இங்கிலாந்து நாட்டின் பர்மிங்காம் நகரில் நடைபெற்று வரும் காமன்வெல்த் விளையாட்டு போட்டிகளில் இந்தியா தொடர்ந்து பதக்கங்களை குவித்துவருகிறது. இன்று நடந்த பெண்களுக்கான 48 கிலோ எடைப் பிரிவு குத்துச்சண்டை போட்டியில் இந்தியாவின் நீத்து கங்காஸ் தங்கப் பதக்கத்தை கைப்பற்றினார்.
ஆண்களுக்கான 51 கிலோ எடைப் பிரிவில் இந்தியாவின் அமித் பங்கால் தங்கம் வென்று அசத்தினார். இந்த நிலையில் காமன்வெல்த் மும்முறை தாண்டுதல் போட்டியில் இன்று இந்தியாவின் எல்தோஸ் பால் தங்கப் பதக்கமும், அப்துல்லா அபுபக்கர் வெள்ளிப் பதக்கமும் வென்றுள்ளனர். இதன் வாயிலாக இந்தியா 16 தங்கம், 11 வெள்ளி, 18 வெண்கலம் என 45 பதக்கங்களைப் பெற்றுள்ளது குறிப்பிடத்தக்கது.