இலங்கையில் உள்ள கிளிநொச்சி மாவட்டத்தில் குடும்ப தகராறில் மாமனார், மருமகனை அடித்து கொலை செய்த சம்பவம் பரபரப்பை ஏற்படுத்தியுள்ளது.
கிளிநொச்சி மாவட்டத்தில் உள்ள தர்மபுரம் போலீஸ் சரகத்திற்கு உட்பட்ட மயில்வாகனம் பகுதியில் நேற்று மாலை 4.30 மணி அளவில் மாமனார், மருமகன் இருவருக்கும் இடையே தகராறு ஏற்பட்ட தகராறு கைகலப்பாக மாறியதில் மாமனார், மருமகனை மோசமாக தாக்கியுள்ளார். அதில் மருமகன் பலத்த காயங்களுடன் தர்மபுரம் மருத்துவமனையில் சிகிச்சைக்காக அனுமதிக்கப்பட்டார். அங்கிருந்து அவர் கிளிநொச்சி மாவட்ட மருத்துவமனைக்கு மேல்சிகிச்சைக்காக அனுப்பி வைக்கப்பட்டார்.
அங்கு நேற்று அவர் சிகிச்சை பலனளிக்காமல் பரிதாபமாக இறந்துவிட்டார். இந்த சம்பவம் குறித்து வழக்குப்பதிந்த காவல்துறையினர் உயிரிழந்தவரின் மனைவி மற்றும் மனைவியின் தந்தை ஆகிய இருவரையும் கைது செய்துள்ளனர். மேலும் இந்த கொலையில் உயிரிழந்தது பெருமாள் ரவிச்சந்திரன் ( 36 ) என்பது தெரியவந்தது. மேலும் உயிரிழந்தவரின் சடலம் கிளிநொச்சி பொது மருத்துவமனையில் வைக்கப்பட்டுள்ளது. இந்த சம்பவம் குறித்து காவல்துறையினர் மேல் விசாரணை நடத்தி வருகின்றனர்.