மூத்த கன்னட நடிகர் சத்யஜித் மறைவு… திரையுலகினர் இரங்கல்…!!!

கன்னட சினிமா உலகின் புகழ்பெற்ற நடிகர் சத்யஜித் இன்று பெங்களூரில் காலமானார்.

கன்னட சினிமா உலகில் குணசித்திர நடிகராக வலம் வந்தவர் சத்யஜித் . இவருக்கு வயது 72. இவர் இன்று பெங்களூருவில் உள்ள அரசு மருத்துவமனையில் உயிரிழந்தார். 2016 ஆம் ஆண்டு முதலே நீரழிவு நோயால் கடுமையாக பாதிக்கப்பட்டிருந்த இவர் கடந்த சில மாதங்களாகவே உடல்நலக்குறைவால் அவதிப்பட்டு வந்தார். இந்நிலையில் இன்று அவர் சிகிச்சை பலனின்றி உயிரிழந்தார். அவருடைய இறுதிச்சடங்கு இன்று நடைபெறும் என்று தெரிவிக்கப்பட்டுள்ளது. அவர் 650க்கும் மேற்பட்ட படங்களில் நடித்துள்ளார் என்பது குறிப்பிடத்தக்கது.