தமிழ் திரையுலகில் முன்னணி இசையமைப்பாளராக விளங்கி வரும் ஏ.ஆர்.ரகுமான், தற்போது புதிய தமிழ் கீதமான ‘மூப்பில்லா தமிழே தாயே’ என்ற பாடலை உருவாக்கி இருகிறார். இதனை துபாய் எக்ஸ்போ-வில் மார்ச் 24ஆம் தேதி ரகுமானின் கச்சேரியில் காட்சிப்படுத்தப்பட்டதோடு யூடியூப் சேனலிலும் வெளியிட்டு இருக்கிறார்கள். உலகின் மிகப் பழமையான மொழிகளில் ஒன்றாகத் தமிழின் புகழை குறிக்கும் வகையில் ‘மூப்பில்லா தமிழே தாயே’ இந்த பாடல் எழுதப்பட்டுள்ளது. பழங்காலத் தமிழ்ப் பண்பாட்டையும் தமிழின் பெருமையை உணர்த்தும் வகையிலும் இளைய தலைமுறையினரைத் தங்கள் கலாச்சார வேர்களுடன் இணைக்கவும், தமிழ் கலாச்சாரம் மற்றும் பாரம்பரியத்தை முன்னெடுத்துச் செல்லகூடியதாகவும் இந்த பாடல் அமைத்திருக்கிறது.
மேலும் ஏ.ஆர்.ரகுமான் இசையமைத்து, ஏற்பாடு செய்து தயாரித்த இந்தப் பாடலில் அமினா ரஃபீக், கதீஜா, ஏ.ஆர். அமீன்,கேப்ரியல்லா செல்லஸ், ரஹ்மான்சைந்தவி பிரகாஷ் மற்றும் பூவையார் ஆகியோர் ரஹ்மானுடன் இணைந்து இப்பாடலை பாடியுள்ளனர். இவர்களுடன் ரக்ஷிதா சுரேஷ், நகுல் அப்யங்கர், நிரஞ்சனா ரமணன், மற்றும் அபர்ணா ஹரிகுமார் ஆகியோரின் கூடுதல் குரல்கள் தந்துள்ளனர். தற்போது யூடியூப்பில் முதலிடம் பிடித்த ‘மூப்பில்லா தமிழே தாயே’ பாடல் சாதனை படைத்து வருகிறது.