இயக்குனர் ஏ.ஆர். முருகதாஸ் பிரபல தயாரிப்பு நிறுவனம் தயாரிக்கும் மெகா பட்ஜெட் படத்தை இயக்கப்போவதாக தகவல் வெளியாகியுள்ளது.
தமிழ் திரையுலகில் விஜய் , அஜித் ,சூர்யா போன்ற முன்னணி கதாநாயகர்களின் படங்களை இயக்கி பிரபலமடைந்தவர் இயக்குனர் ஏ.ஆர். முருகதாஸ். இவர் தளபதி விஜய் நடிப்பில் உருவாக இருக்கும் ‘தளபதி 65’ திரைப்படத்தை இயக்குவதாக இருந்தது. ஆனால் ஒரு சில காரணங்களால் அந்த படத்திலிருந்து ஏ. ஆர். முருகதாஸ் விலகிக் கொண்டார்.
இந்நிலையில் பிரபல ஹாலிவுட் நிறுவனமான டிஸ்னி பிக்ஸர்ஸின் மெகா பட்ஜெட் படத்தை ஏ.ஆர்.முருகதாஸ் இயக்க இருப்பதாக தகவல் வெளியாகியுள்ளது. மேலும் இந்தத் திரைப்படம் ‘தி லயன் கிங் ‘ போன்று முழுக்க முழுக்க அனிமேஷன் திரைப்படமாக இருக்கும் என்று கூறப்பட்டு வருகிறது. இதுகுறித்த அதிகாரப்பூர்வ அறிவிப்பு விரைவில் வெளிவரும் என்று எதிர்பார்க்கப்படுகிறது.