சென்னை மாநகராட்சி சார்பாக இளைஞர்களை கவரும் வகையில் நம்ம சென்னை செல்ஃபி மையம் திறக்கப்பட உள்ளது.
சென்னையில் மாநகராட்சி சார்பாக இளைஞர்களை கவரும் வகையில் மெரினா கடற்கரையில் அமைக்கப்பட்டு வரும் நம்ம சென்னை செல்ஃபி மையம் விரைவில் திறக்கப்பட உள்ளது. சென்னையில் உள்ளூர் மக்களும், சுற்றுலா பயணிகளும் அதிக அளவில் வந்து செல்லும் பகுதியாக மெரினா கடற்கரை திகழ்கிறது. அங்கு அதிக அளவில் இளம் தலைமுறையினரை கவர்ந்து வருகிறது. இன்றைய இளைய தலைமுறையினர் ஸ்மார்ட் கைப்பேசிகளை பயன்படுத்துவதுமற்றும் அதில் செல்பி எடுப்பதில் அதிக ஆர்வம் காட்டி வருகிறார்கள்.
அவர்களின் ஆர்வத்தை பூர்த்தி செய்யும் வகையில், சென்னை மாநகராட்சி சார்பாக சென்னையின் அடையாளமாக இளைஞர்களை கவரும் விதமாக ஒரு இடத்தை உருவாக்க திட்டமிடப்பட்டது. அதனடிப்படையில் 20 லட்சம் செலவில் மெரினா கடற்கரையில் ராணி மேரி கல்லூரிக்கு எதிரில் நம்ம சென்னை செல்பி மையம் அமைக்கும் பணிகள் கடந்த இரண்டு மாதங்களாக நடந்து கொண்டிருக்கின்றன. தற்போது பணிகள் இறுதி கட்டத்தை எட்டியுள்ளது. இந்த செல்ஃபி மையத்தை பொங்கல் திருவிழாவின் போது முதல்வர் திறந்து வைக்க திட்டமிட்டுள்ளதாக கூறப்படுகிறது. அதனால் பொதுமக்கள் அனைவரும் எதிர்பார்ப்புடன் காத்துள்ளனர்.