தமிழகம் கர்நாடகம் இடையே காவிரி நீரை பகிர்ந்து கொள்வது தொடர்பாக தொடர்ந்து பிரச்சினை இருந்து வருகின்றது. கர்நாடக மாநிலம் காவிரியின் குறுக்கே மேகதாது அணையை கட்ட முயற்சி செய்து வருகிறது. இதற்கு தமிழகம் தங்களது எதிர்ப்பை தெரிவித்து வருகின்றது. இந்நிலையில் மேகதாது விவகாரத்தில் எங்கள் நிலைப்பாடு தெளிவாக உள்ளது என்று கர்நாடக பாஜக முதல்வர் பசவராஜ் பொம்மை தெரிவித்திருக்கிறார். மேலும் கர்நாடக முதல்வரின் மேகதாது அணை கட்டும் முடிவுக்கு தமிழக பாஜக தலைவர் அண்ணாமலை எதிர்ப்பு தெரிவித்துள்ளார்.
இதுகுறித்து பேசிய அவர், மேகதாது அணையை கட்ட கர்நாடக அரசு ஒரு செங்கல் கூட வைக்க முடியாது. கர்நாடக முதல்வரின் பேச்சு தவறானது. மேகதாது அணையை கைவிட மாட்டோம் என்று அவர் உறுதியளித்துள்ளார். இந்நிலையில் வரும் ஆகஸ்ட் 5-ஆம் தேதி உண்ணாவிரத போராட்டம் நடைபெறும் என்று தெரிவித்துள்ளார். தமிழக பாஜக தலைவர் அண்ணாமலை தலைமையில் தஞ்சாவூரில் வரும் ஆகஸ்ட் 5-ஆம் தேதி போராட்டம் நடைபெறும் என்று அறிவிக்கப்பட்டுள்ளது.
இந்நிலையில் கர்நாடக முதல்வர் பசவராஜ் பொம்மை காவிரியில் கர்நாடக அரசுக்கு உரிமை உள்ளது. அதனால் மேகதாது அணையை கட்டியே தீருவோம் என்று தெரிவித்துள்ளார். மேலும் மேகதாது எதிர்ப்பு தெரிவித்து தமிழக பாஜக தலைவர் அண்ணாமலை போராட்டம் அறிவித்தது குறித்த கேட்ட கேள்விக்கு, பாஜக அண்ணாமலை கூறுவது பற்றி எனக்கு கவலை இல்லை. அவர் பேசியதற்கு பதிலளிப்பது என் வேலையும் இல்லை என்று பசவராஜ் பொம்மை தெரிவித்துள்ளார்.