நிகழ்ச்சி ஒன்றில் பங்கேற்ற கஞ்சா கருப்பு தகாத வார்த்தைகளால் ஹீரோயினை திட்டியதால் பல தரப்பினரும் எதிர்ப்பு தெரிவித்து வருகின்றார்கள்.
தமிழ் சினிமா உலகில் பிரபல நகைச்சுவை நடிகராக வலம் வருகின்றார் கஞ்சா கருப்பு. இவர் ராம், சுப்ரமணியபுரம், பருத்திவீரன், பிதாமகன், சண்டைக்கோழி உள்ளிட்ட பல திரைப்படங்களில் நடித்துள்ளார். இருப்பினும் சென்ற சில ஆண்டுகளாக படத்தில் நடிப்பதை குறைத்துக் கொண்டார். அண்மையில் வெளியான மாமனிதன் திரைப்படத்தில் நடித்திருந்தார் இந்த நிலையில் அண்மையில் நடைபெற்ற ஓங்காரம் திரைப்படத்தின் இசை வெளியீட்டு விழாவில் கலந்து கொண்டார்.
அப்போது கஞ்சா கருப்பு பேசியதாவது, படம் வெற்றி அடைய பட குழுவினருக்கு வாழ்த்து தெரிவித்தார். அப்போது யாரும் எதிர்பாராத விதமாக இத்திரைப்படத்தின் ஹீரோயினை தகாத வார்த்தையால் திட்டி பேசினார். இந்தப் பட இசை வெளியீட்டு விழாவிற்கு வர ஹீரோயின் ஒரு லட்சம் கேட்டதாக கூறினார். அதைக் கொடுக்க முடியாததால் விழாவிற்கு அவர் வரவில்லை என கஞ்சா கருப்பு கூறி தகாத வார்த்தைகளால் திட்டி பேசினார். கஞ்சா கருப்புவின் இந்த மோசமான பேச்சுக்கு பல தரப்பினரும் எதிர்ப்பு தெரிவித்து வருகின்றார்கள்.