மோசடி செய்த அதிகாரியின் வீட்டின் முன்பு வாலிபர் தனது தாயுடன் இணைந்து தர்ணாவில் ஈடுபட்ட சம்பவம் பரபரப்பை ஏற்படுத்தியுள்ளது.
சென்னை மாவட்டத்திலுள்ள தண்டையார்பேட்டை பகுதியில் சுரேஷ் என்பவர் வசித்து வருகிறார். இந்நிலையில் மின் வாரியத்தில் வேலை வாங்கி தருவதாக கூறி வட சென்னை அனல்மின் நிலையத்தில் உதவி என்ஜினீயராக பணிபுரியும் பாபு என்பவர் சுரேஷிடம் இருந்த 40 லட்ச ரூபாயை வாங்கி உள்ளார். ஆனால் சுரேஷிற்கு பாபு வேலை வாங்கி கொடுக்கவில்லை.
இதனை அடுத்து வாங்கிய பணத்தை திருப்பி கேட்ட போது சுரேஷை பாபு மிரட்டியுள்ளார். இதனால் பாபுவின் வீட்டிற்கு முன்பு சுரேஷ் தனது தாயாருடன் தர்ணாவில் ஈடுபட்டுள்ளார். இதுகுறித்து தகவல் அறிந்த காவல்துறையினர் அங்கு விரைந்து சென்று சுரேசை சமாதானம் செய்து காவல் நிலையத்தில் புகார் அளிக்கும் படி அறிவுறுத்தி அனுப்பி வைத்துள்ளனர்.