மோட்டார் சைக்கிளிலிருந்து நிலை தடுமாறி கீழே விழுந்து தொழிலாளி உயிரிழந்த சம்பவம் சோகத்தை ஏற்படுத்தியுள்ளது.
விருதுநகர் மாவட்டத்தில் உள்ள வடக்கு மலையடிப்பட்டியில் சக்திவேல்(34) என்பவர் வசித்து வந்துள்ளார். இவர் சிவகாசியில் தங்கி தனியார் அச்சகத்தில் வேலை பார்த்து வந்துள்ளார். இந்நிலையில் சக்திவேல் ஸ்ரீவில்லிபுத்தூர்- ராஜபாளையம் சாலையில் மோட்டார் சைக்கிளில் சென்று கொண்டிருந்தார்.
அப்போது எதிர்பாராதவிதமாக சக்திவேல் மோட்டார் சைக்கிளிலிருந்து நிலை தடுமாறி கீழே விழுந்து படுகாயமடைந்தார். இதனால் படுகாயமடைந்த சக்திவேலை அக்கம் பக்கத்தினர் மீட்டு மருத்துவமனையில் சிகிச்சைக்காக அனுமதித்தனர். ஆனால் அங்கு சிகிச்சை பலனின்றி சக்திவேல் பரிதாபமாக உயிரிழந்தார். இதுகுறித்து வழக்குப்பதிவு செய்த காவல்துறையினர் விசாரணை நடத்தி வருகின்றனர்.