கடலூர் மாவட்டத்தில் உள்ள திருப்பாதிரிப்புலியூர் சுப்புராயலு நகரில் கணபதி என்பவர் வசித்து வருகிறார். இவர் கடலூர் மதுவிலக்கு அமலாக்கப் பிரிவில் போலீஸ்காரராக வேலை பார்த்து வருகிறார். இந்நிலையில் கணபதி மோட்டார் சைக்கிளில் குருவிநத்தத்தில் இருந்து கடலூர் நோக்கி சென்று கொண்டிருந்தார். அப்போது சதீஷ்குமார் என்பவர் ஓட்டி வந்த மோட்டார் சைக்கிள் கணபதியின் மோட்டார் சைக்கிள் மீது மோதியது.
இந்த விபத்தில் படுகாயமடைந்த இரண்டு பேரையும் அக்கம் பக்கத்தினர் மீட்டு அரசு மருத்துவமனைக்கு சிகிச்சைக்காக அனுப்பி வைத்தனர். அங்கு அவர்களுக்கு தீவிர சிகிச்சை அளிக்கப்பட்டு வருகிறது இந்த விபத்து குறித்து வழக்கு பதிவு செய்த போலீசார் விசாரணை நடத்தி வருகின்றனர்.