சேலம் மாவட்டத்தில் மோட்டார் சைக்கிளிலிருந்து தவறி இழுந்த வாலிபர் பரிதாபமாக உயிரிழந்த சம்பவம் சோகத்தை ஏற்படுத்தியுள்ளது.
சேலம் மாவட்டத்திலுள்ள மேச்சேரி பகுதியில் பிரவீன்குமார் என்பவர் வசித்து வந்தார். இவர் உடற்பயிற்சி நிலையத்திற்கு மோட்டார் சைக்கிளில் சென்று விட்டு திரும்பி வந்து கொண்டிருக்கும் போது திடீரென மோட்டார் சைக்கிளிலிருந்து நிலை தடுமாறி கீழே விழுந்து விட்டார். இந்த விபத்தில் பலத்த காயமடைந்த பிரவின்குமாரை அக்கம் பக்கத்தினர் மீட்டு சிகிச்சைக்காக அரசு மருத்துவமனைக்கு கொண்டு சென்றனர் .
அங்கு அவருக்கு அளிக்கப்பட்ட சிகிச்சை பலனின்றி பிரவீன்குமார் பரிதாபமாக உயிரிழந்து விட்டார். இதுக்குறித்து காவல்துறையினர் வழக்குப்பதிவு செய்து விசாரணை மேற்கொண்டு வருகின்றனர்.