மோட்டார் சைக்கிள் மீது கார் மோதிய விபத்தில் வாலிபர் உயிரிழந்த சம்பவம் சோகத்தை ஏற்படுத்தியுள்ளது.
கோயம்புத்தூர் மாவட்டத்திலுள்ள நெகமம் பகுதியில் அண்ணாதுரை என்பவர் வசித்து வந்துள்ளார். இவர் பொள்ளாச்சி வடக்கு ஒன்றிய பா. ஜனதா விவசாய அணி தலைவராக இருந்துள்ளார். இந்நிலையில் அண்ணாதுரை தனது உறவினரான பாலசுப்பிரமணியம் என்பவருடன் மோட்டார் சைக்கிளில் வெளியே சென்றுள்ளார். இதனையடுத்து சிருகளந்தை பகுதியில் சென்று கொண்டிருந்த போது அண்ணாதுரையின் மோட்டார் சைக்கிள் மீது அவ்வழியாக வேகமாக வந்த கார் மோதியது.
இந்த விபத்தில் படுகாயமடைந்த அண்ணாதுரையை அருகில் உள்ளவர்கள் மீட்டு மருத்துவமனைக்கு சிகிச்சைக்காக அனுப்பி வைத்தனர். ஆனால் அங்கு அளிக்கப்பட்ட சிகிச்சை பலனின்றி அண்ணாதுரை பரிதாபமாக உயிரிழந்துவிட்டார். இதுகுறித்து வழக்கு பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.