மோட்டார் சைக்கிள் நிலைதடுமாறி விபத்தில் வாலிபர் உயிரிழந்த சம்பவம் சோகத்தை ஏற்படுத்தியுள்ளது.
திருநெல்வேலி மாவட்டத்தில் உள்ள சங்கநெறி கிராமத்தில் தேவராஜ் என்பவர் வசித்து வருகிறார். இவருக்கு தனபால் என்ற மகன் இருந்துள்ளார். இந்நிலையில் தனபால் தனது சகோதரனான அகஸ்டின் என்பவருடன் சேர்ந்து மகேந்திரபுரம் சாலையில் மோட்டார் சைக்கிளில் வந்து கொண்டிருந்தார். அப்போது தனபாலில் மோட்டார் சைக்கிள் நிலைதடுமாறி அருகில் அமைந்துள்ள பாலத்தின் மீது பலமாக மோதியது.
இந்த விபத்தில் படுகாயமடைந்த தனபால் சம்பவ இடத்திலேயே பரிதாபமாக உயிரிழந்துவிட்டார். மேலும் காயமடைந்த அகஸ்டினை அருகில் இருந்தவர்கள் மீட்டு சிகிச்சைக்காக அரசு மருத்துவமனையில் அனுமதித்துள்ளனர். அங்கு அவருக்கு தீவிர சிகிச்சை அளிக்கப்பட்டு வருகிறது.மேலும் இது குறித்து வழக்கு பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.