மோட்டார் சைக்கிள் மீது வேன் மோதிய விபத்தில்2 பேர் உயிரிழந்த சம்பவம் சோகத்தை ஏற்படுத்தியுள்ளது.
சிவகங்கை மாவட்டத்தில் உள்ள சானாவயல் கிராமத்தில் விவசாயியான முருகன் என்பவர் வசித்து வந்துள்ளார். இவர் அதே பகுதியில் சேர்ந்த கண்ணதாசன் என்பவருடன் சேர்ந்து பெட்ரோல் பங்கிற்கு மோட்டார் சைக்கிளில் சென்றுள்ளார். அப்போது அவ்வழியாக மீன் பாரம் ஏற்றி வந்த வேன் திடீரென முருகனின் மோட்டார் சைக்கிள் மீது மோதியுள்ளது. இந்த விபத்தில் படுகாயமடைந்த முருகன் மற்றும் வேன் ஓட்டுநரான சரவணன் ஆகிய இருவரும் சம்பவ இடத்திலேயே பரிதாபமாக உயிரிழந்தனர். இதனையடுத்து படுகாயமடைந்த கண்ணதாசனை அருகில் உள்ளவர்கள் மீட்டு அரசு மருத்துவமனையில் சிகிச்சைக்காக அனுமதித்துள்ளனர்.
இதுகுறித்து தகவலறிந்த காவல்துறையினர் சம்பவ இடத்திற்கு விரைந்து சென்று முருகன் மற்றும் சரவணனின் உடல்களை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும் இது குறித்து வழக்கு பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.