காட்டு யானைகள் விளைநிலங்களில் புகுந்து பயிர்களை சேதப்படுத்துவதால் விவசாயிகள் அவதிப்பட்டு வருகின்றனர்.
தேனி மாவட்டத்தில் உள்ள கோம்பை, தேவாரம், பண்ணைப்புரம் பகுதிகளில் உள்ள விளை நிலங்களில் கடந்த சில தினங்களாக காட்டு யானைகள் அட்டகாசம் செய்து வருகின்றது. இந்நிலையில் கோம்பை ரெங்கநாதபுரம் பகுதியில் உள்ள தோட்டத்தில் 3 காட்டு யானைகள் புகுந்து வாழை மரங்களை சேதப்படுத்தி வருகின்றன. மேலும் அப்பகுதியில் தண்ணீர் செல்லும் குழாய்களையும் உடைத்து சேதப்படுத்தியுள்ளது.
இதுகுறித்து அப்பகுதியில் உள்ள விவசாயிகள் வனத்துறை அதிகாரிகளிடம் புகார் அளித்தும் எவ்வித நடவடிக்கையும் எடுக்கப்படவில்லை. எனவே காட்டு யானைகளை விரட்டுவதற்கு வனத்துறையினர் உடனடியாக நடவடிக்கை எடுக்க வேண்டும் என்றும் இல்லாவிட்டால் போராட்டம் நடத்தப்படும் என்றும் தெரிவித்துள்ளனர்.