“யாரிடமும் சொல்லாதீர்கள்”…. பாம்பு கடித்ததை மறைத்த சிறுவன் பலி…. சோகத்தில் குடும்பத்தினர்…!!

சேலம் மாவட்டத்தில் உள்ள கெஜ்ஜல்நாயக்கன்பட்டி ஊராட்சியில் சண்முகம் என்பவர் வசித்து வருகிறார். இவரது மகன் கௌதமன் அரசு உயர்நிலைப் பள்ளியில் ஆறாம் வகுப்பு படித்து வந்துள்ளார். நேற்று முன்தினம் அரையாண்டு தேர்வு எழுதிவிட்டு மாலையில் வீட்டிற்கு வந்த கௌதமன் தனது நண்பர்களுடன் விளையாடிக் கொண்டிருந்தார். அப்போது திடீரென வந்த பாம்பு கௌதமனை கடித்ததால் மற்ற சிறுவர்கள் அச்சத்தில் அலறி ஓடினர். அப்போது வீட்டில் இருக்கும் யாரிடமும் சொல்லாதீர்கள் என கௌதமன் கேட்டு கொண்டதாக தெரிகிறது.

இதனையடுத்து இரவு 8 மணி அளவில் திடீரென வாயில் நுரை தள்ளியபடி கௌதமன் மயங்கி விழுந்து விட்டான். இதனை பார்த்து அதிர்ச்சியடைந்த குடும்பத்தினர் கௌதமனை மீட்டு மருத்துவமனைக்கு சிகிச்சைக்காக கொண்டு சென்றனர். அங்கு அவரை பரிசோதனை செய்த டாக்டர்கள் கௌதமன் ஏற்கனவே இறந்து விட்டதாக தெரிவித்துள்ளனர். இந்த சம்பவம் அப்பகுதியில் பரபரப்பை ஏற்படுத்தியுள்ளது.