விஷம் கலந்த தண்ணீரைக் குடித்ததால் 2 பசுக்கள், 6 ஆடுகள் இறந்த சம்பவம் சோகத்தை ஏற்படுத்தியுள்ளது.
புதுக்கோட்டை மாவட்டத்திலுள்ள ஆயக்குடி வயல் கிராமத்தில் முருகன் என்பவர் வசித்துவருகிறார். இவர் தனது வீட்டில் 2 பசு மாடுகள் மற்றும் 30 ஆடுகளை வளர்த்து வந்துள்ளார். இந்நிலையில் முருகன் மேய்ச்சலுக்கு சென்ற மாடுகள் மற்றும் ஆடுகளை வீட்டிற்கு ஓடி வந்து தவிட்டுடன் கூடிய தண்ணீரை குடிப்பதற்கு வைத்துள்ளார். அதனை குடித்த 2 பசுக்கள், 6 ஆடுகள் திடீரென சுருண்டு விழுந்து இறந்தன.
இதுகுறித்து தகவல் அறிந்த கால்நடை மருத்துவர் கமலக்கண்ணன் தலைமையிலான குழுவினர் சம்பவ இடத்திற்கு விரைந்து சென்று இறந்து கிடந்த பசுக்கள் மற்றும் ஆடுகளை பரிசோதனை செய்தனர். அப்போது மாடு மற்றும் ஆடுகள் நோயினால் இறக்கவில்லை என்றும், தண்ணீரில் விஷம் கலந்துள்ளதால் கால்நடைகள் இறந்ததாக தெரிவித்துள்ளனர். இதுகுறித்து வழக்குப்பதிவு செய்த காவல்துறையினர் விசாரணை மேற்கொண்டு வருகின்றனர்.