யோகி பாபு, ஓவியா இணைந்து நடிக்கும் கான்ட்ராக்டர் நேசமணி படத்தின் படப்பிடிப்பு தொடங்கப்பட்டுள்ளது.
தமிழ் திரையுலகில் முன்னணி காமெடி நடிகராக வலம் வருபவர் யோகி பாபு. தற்போது இவர் பீஸ்ட், வலிமை, டாக்டர் போன்ற படங்களில் காமெடி கதாபாத்திரத்தில் நடித்துள்ளார். மேலும் யோகி பாபு சில திரைப்படங்களில் முதன்மை கதாபாத்திரங்களிலும் நடித்து அசத்தி வருகிறார். அந்த வகையில் இவர் நடிப்பில் வெளியான கூர்கா, மண்டேலா ஆகிய படங்கள் ரசிகர்களிடையே நல்ல வரவேற்பை பெற்றது. அடுத்ததாக யோகி பாபு இயக்குனர் ஸ்வதீஷ்.எம்.எஸ் இயக்கத்தில் உருவாக உள்ள ‘கான்ட்ராக்டர் நேசமணி’ படத்தில் நடிக்க இருக்கிறார்.
இந்த படத்தில் பிக்பாஸ் பிரபலம் ஓவியா கதாநாயகியாக நடிக்கிறார். அன்கா மீடியா நிறுவனம் தயாரிக்கும் இந்த படத்திற்கு தர்மா பிரகாஷ் இசையமைக்கிறார். இந்நிலையில் இன்று இந்த படத்தின் படப்பிடிப்பு பூஜையுடன் தொடங்கப்பட்டுள்ளது. நடிகர் வடிவேலுவின் பிரபல கேரக்டரான ‘கான்ட்ராக்டர் நேசமணி’ பெயர் இந்த படத்திற்கு டைட்டிலாக வைக்கப்பட்டுள்ளது மிகுந்த எதிர்பார்ப்பை ஏற்படுத்தியுள்ளது.