தமிழ் சினிமாவின் பிரம்மாண்டம் என்று சொல்லும் அளவிற்கு பொன்னியின் செல்வன் திரைப்படம் கடந்த செப்டம்பர் மாதம் 30-ம் தேதி திரையரங்குகளில் ரிலீசாகி ரசிகர்கள் மத்தியில் அமோக வரவேற்பை பெற்றது. கல்கியின் புகழ்பெற்ற நாவலான பொன்னியின் செல்வனை மையமாக வைத்து மணிரத்தினம் பொன்னியின் செல்வன் என்ற தலைப்பில் இரண்டு பாகங்களாக படைத்தை இயக்கியுள்ளார். இந்த படத்தின் 2 பாகங்களும் 500 கோடி பட்ஜெட்டில் எடுக்கப்பட்டுள்ளது என்று கூறப்படுகிறது.
இந்த படத்தில் நடிகர்கள் விக்ரம், ஜெயம் ரவி, கார்த்தி, ரகுமான், சரத்குமார், பிரகாஷ்ராஜ், திரிஷா, ஐஸ்வர்யா ராய் உள்ளிட்ட பல பிரபலங்கள் முக்கிய வேடத்தில் நடித்துள்ளனர். இந்த படம் உலக அளவில் 500 கோடி ரூபாய் வரை வசூல் சாதனை புரிந்தது. இந்நிலையில் மக்களின் மனதை வென்ற பொன்னியின் செல்வன் திரைப்படம் கூடிய விரைவில் சன் தொலைக்காட்சியில் ஒளிபரப்பாக இருக்கிறது. அதன்படி சன் டிவியில் ஜனவரி 8-ம் தேதி மாலை 6.30 அளவில் பொன்னியின் செல்வன் திரைப்படம் ஒளிபரப்பாகிறது. மேலும் பொன்னியின் செல்வன் திரைப்படத்தின் இரண்டாம் பாகம் அடுத்த வருடம் ஏப்ரல் 28-ஆம் தேதி ரிலீஸ் ஆகிறது என்பது குறிப்பிடத்தக்கதாகும்.