தமிழ் சினிமாவில் சூப்பர் ஸ்டாராக வலம் வருபவர் நடிகர் ரஜினி. இவர் தற்போது இயக்குனர் நெல்சன் இயக்கத்தில் ”ஜெயிலர்” படத்தில் நடித்து வருகிறார். இந்த படத்தில் ரம்யா கிருஷ்ணன், யோகி பாபு மற்றும் பலர் முக்கிய கதாபாத்திரத்தில் நடிக்கின்றனர். அனிருத் இசையமைக்கும் இந்த படத்தை சன் பிக்சர்ஸ் நிறுவனம் தயாரிக்கிறது.
இதனையடுத்து, ஜெயிலர் திரைப்படத்தில் நடித்து வரும் ரஜினிகாந்த் 2 புதிய படங்களில் ஒப்பந்தமாகியுள்ளதாக தகவல் வெளியாகியுள்ளது. இந்த இரண்டு படங்களையும் லைகா நிறுவனம் தயாரிக்கவுள்ளதாக கூறப்படுகிறது. இத்துடன் அவர் நடிப்பில் இருந்து ஓய்வு பெறுவார் என்றும், இதற்கான அறிவிப்பு ரஜினியின் பிறந்தநாள் அன்று வெளியாகும் என்று சினிமா வட்டாரங்கள் தெரிவிக்கின்றன.