வம்சி இயக்கத்தில் விஜய் நடிப்பில் உருவாகி வரும் “வாரிசு” திரைப்படத்தின் முதல் பாடலாக ‘ரஞ்சிதமே’ என்ற குத்து பாடல் வெளியாகியுள்ளது. பாடலாசிரியர் விவேக் வரியில், தமன் இசையில் உருவாகி இருக்கும் இப்பாடலை விஜய் பாடி ரசிகர்களுக்கு ட்ரீட் கொடுத்துள்ளார். நீண்ட நாள் கழித்து விஜய் பாடிய பாடல் என்பதால் ரசிகர்கள் வாட்ஸ் அப் ஸ்டேட்டஸ் வைத்து கொண்டாடி வருகின்றனர்.
இந்நிலையில் பாடல் வெளியான உடனே, அப்பாடல் copy அடிக்கப்பட்டதாக நெட்டிசன்கள் ட்ரோல் செய்து வருகின்றனர். தெலுங்கில் ரவிதேஜா, ஸ்ருதிஹாசன் நடிப்பில் வெளியான ‘கிராக்’ படத்தில் இடம்பெற்ற Mass Biriyani பாடலும், ‘ரஞ்சிதமே’ பாடலும் ஏறக்குறைய ஒரே மாதிரி தான் இருக்கிறது. அப்பாடலுக்கும் தமன் தான் இசையமைத்தார் என்பது குறிப்பிடத்தக்கது.