நடிகர், இசையமைப்பாளர் என பன்முகத்தன்மை கொண்ட விஜய் ஆண்டனி, தற்போது “ரத்தம்” திரைப்படத்தில் 3 நடிகைகளுடன் நடித்து வருகிறார்.
டைரக்டர் அமுதன் “தமிழ் படம்” வாயிலாக பிரபலமானவர். இவர் தற்போது இயக்கும் புதிய திரைப்படம் “ரத்தம்”. இத்திரைப்படத்தில் கதாநாயகனாக நடிகர் விஜய் ஆண்டனி நடிக்கிறார். இப்படத்தில் விஜய் ஆண்டனிக்கு ஜோடியாக நந்திதா ஸ்வேதா, மகிமா நம்பியார், ரம்யா நம்பீசன் என மூன்று கதாநாயகிகள் நடிக்கிறார்கள்.
இப்படம் அரசியலை மையமாகக் கொண்டு உருவாகி வருகிறது. படப்பிடிப்பு 40% முடிவடைந்திருக்கிறது. இதன் பர்ஸ்ட் லுக் போஸ்டரை படக்குழுவினர் அண்மையில் வெளியிட்டனர். இன்ஃபினிட்டி பிலிம் வென்சர்ஸ் படத்தை தயாரித்துள்ளனர். மேலும் விஜய் ஆண்டனி இந்நிறுவனத்துடன் சேர்ந்து “கொலை” மற்றும் “மழை பிடிக்காத மனிதன்” ஆகிய திரைப்படங்களில் பணியாற்றுகிறார் என்பது குறிப்பிடத்தக்கது.