வாலிபர் குத்தி கொலை செய்யப்பட்ட சம்பவம் பரபரப்பை ஏற்படுத்தியுள்ளது.
சென்னை மாவட்டத்தில் உள்ள சவுகார்பேட்டை ஆதியப்பன் நாயக்கர் தெருவில் ரவி(35) என்பவர் வசித்து வந்துள்ளார். நேற்று முன்தினம் ரவி அப்பகுதியில் ரத்த வெள்ளத்தில் இறந்து கிடப்பதை பார்த்து அதிர்ச்சியடைந்த பொதுமக்கள் போலீசாருக்கு தகவல் தெரிவித்தனர். அந்த தகவலின் படி சம்பவ இடத்திற்கு விரைந்து சென்ற போலீசார் ரவியின் உடலை மீட்டு அரசு மருத்துவமனைக்கு பிரேத பரிசோதனைக்காக அனுப்பி வைத்தனர். இந்த சம்பவம் குறித்து வழக்கு பதிவு செய்த போலீசார் நடத்திய விசாரணையில் பூக்கடையில் நடந்த சவ ஊர்வலத்தில் ரவி அவரது நண்பர்களுடன் கலந்து கொண்டது தெரியவந்தது.
இதனை அடுத்து நண்பர்கள் அனைவரும் இணைந்து மது அருந்துள்ளனர். அப்போது ரவியிடம் மீண்டும் மதுபானம் வாங்கித் தருமாறு நண்பர்கள் தகராறு செய்துள்ளனர். ஆனால் ரவி மதுபானம் வாங்கி கொடுக்கவில்லை. இதனால் கோபமடைந்த தீனா(23), திலிப் குமார்(21) மற்றும் 17 வயது சிறுவன் ஆகியோர் கத்தி மற்றும் பாட்டிலால் ரவியை குத்தி கொலை செய்துவிட்டு தப்பி ஓடியது தெரியவந்தது. இதனை அடுத்து திலீப்குமார் மற்றும் தீனா ஆகிய இருவரையும் போலீசார் கைது செய்தனர். மேலும் தலைமறைவாக இருக்கும் சிறுவனை தீவிரமாக தேடி வருகின்றனர்.