தமிழகம் முழுவதும் கொரோனா பரவலை கட்டுப்படுத்த முழு ஊரடங்கு அமலில் உள்ளது. அதில் பல கட்டுப்பாடுகள் விதிக்கப்பட்டுள்ளதால் மக்கள் அனைவரும் வீட்டிலேயே முடங்கி உள்ளனர். தற்போது ஊரடங்கில் சில தளர்வுகள் வழங்கப்பட்டுள்ளதால் குறிப்பிட்ட அளவிலான பேருந்துகள் மற்றும் ரயில்கள் இயக்கப்பட்டு வருகின்றன. பயணிகளின் அத்தியாவசிய தேவைகளுக்காக சிறப்பு ரயில்கள் இயக்கப்பட்டு வருகிறது.
இந்நிலையில் பாம்பன் பாலத்தில் பராமரிப்பு பணிகள் காரணமாக ராமேஸ்வரம் செல்லும் ரயில்களின் சேவையில் மாற்றம் செய்யப்பட்டுள்ளது. அதன்படி சென்னை எழும்பூர் -ராமேஸ்வரம் சிறப்பு ரயில் இன்று மண்டபம் வரை மட்டுமே இயக்கப்படும். ராமேஸ்வரம் -சென்னை சென்ட்ரல் சிறப்பு ரயில் இன்று மண்டபத்தில் இருந்து இரவு 8.52 மணிக்கு புறப்படும். ராமேஸ்வரம் -சென்னை எழும்பூர் விரைவு ரயில் இன்று மண்டபத்திலிருந்து மாலை 5.40 மணிக்கு புறப்படும் என தெரிவித்துள்ளது.