ரயில் நிலையத்தில் அர்ஜூன் சம்பத் கைது… திண்டுக்கல்லில் நடந்தது என்ன?…..!!!!!

காங்கிரஸ் கட்சியின் முன்னாள் தலைவரும் நாடாளுமன்ற உறுப்பினருமான ராகுல் காந்தி வருகின்ற 2024 ஆம் ஆண்டு நாடாளுமன்றத் தேர்தல் பிரச்சாரத்தை இந்தியாவின் ஒற்றுமை என்ற பெயரில் கன்னியாகுமரியில் தொடங்க உள்ளார் . இந்நிலையில் அவரின் வருகைக்கு எதிர்ப்பு தெரிவித்து தனது titter பக்கத்தில் #gobackrahul என்ற ஹேஸ் டேக் பதிவிட்ட இந்து மக்கள் கட்சியின் தலைவர் அர்ஜுன் சம்பத்,எது நடப்பினும் நாளை தமிழகம் வரும் தமிழின துரோகி ராகுலுக்கு கருப்பு கொடி இந்து மக்கள் கட்சி காட்டுவது உறுதி என பதிவிட்டு இருந்தார்.

அதுமட்டுமல்லாமல் கன்னியாகுமரி யாத்திரை தொடங்கும் பகுதியில் ராகுல் காந்திக்கு எதிர்ப்பு தெரிவித்து கருப்புக் கொடி காட்ட அர்ஜுன் சம்பத் திட்டமிட்டு இருந்த நிலையில் கோயம்புத்தூரில் இருந்து நாகர்கோவில் எக்ஸ்பிரஸ் விரைவு ரயிலில் கன்னியாகுமரி செல்வதாக போலீசாருக்கு தகவல் கிடைத்திருந்தது.இந்நிலையில் திண்டுக்கல் ரயில் நிலையத்தில் காத்திருந்த போலீசார் அர்ஜுன் சம்பத்தை கைது செய்தனர்.சட்ட ஒழுங்கு பிரச்சனை ஏற்படக்கூடும் என்பதால் முன்னெச்சரிக்கை நடவடிக்கையாக அர்ஜுன் சம்பத் கைது செய்யப்பட்டுள்ளதாக போலீசார் தரப்பில் தெரிவிக்கப்பட்டுள்ளது.