கருப்பூர் பகுதியில் முதியவர் இறந்து கிடந்த சம்பவம் பரபரப்பை ஏற்படுத்தியுள்ளது.
சேலம் மாவட்டத்திலுள்ள கருப்பூர் பகுதியில் மேக்னசைட் – ஜங்சன் ரயில் நிலையம் உள்ளது. இதில் நேற்று தண்டவாள பகுதியில் முதியவர் ஒருவர் இறந்து கிடந்துள்ளார். அப்போது அப்பகுதி வழியாக சென்ற பொது மக்கள் முதியவர் இறந்து கிடப்பதாக காவல்துறையினருக்கு தகவல் தெரிவித்துள்ளனர்.
இது குறித்து தகவலறிந்த காவல்துறையினர் சம்பவ இடத்திற்கு விரைந்து சென்று முதியவரின் உடலை மீட்டு பிரேத பரிசோதனைக்காக சேலம் அரசு மருத்துவமனைக்கு அனுப்பி வைத்துள்ளனர். மேலும் இந்த முதியவர் யார், எந்த ஊரைச் சேர்ந்தவர், எப்படி இறந்தார், என்பது குறித்து காவல்துறையினர் வழக்குப்பதிவு செய்து விசாரணை மேற்கொண்டு வருகின்றனர்.