ரஷிய தன்னலக்குழுக்களின் சொத்துக்களை விற்று உக்ரைன் மக்களுக்கு உதவ…..அனுமதி வழங்க அரசுக்கு வலுக்கும் கோரிக்கை….!!!!

இந்நிலையில் உக்ரைன் நாட்டின் பொருளாதாரத்தை வலுப்படுத்தவும் மற்றும் அங்கிருந்து அகதிகளாக வெளியேறிய மக்களின் நலனுக்காகவும், மேலும் ரஷியாவின் தாக்குதலுக்கு பதிலடி கொடுக்க அந்நாட்டு ராணுவத்துக்கு ஆயுதங்கள் வழங்கவும், உக்ரைனுக்கு பல கோடிக்கணக்கான பணம் அளித்து உதவிட அமெரிக்க நாடாளுமன்றம் அனுமதிக்க வேண்டுமென்று நாடாளுமன்றத்தை அதிபர் ஜோ பைடன் கேட்டுள்ளார்.மேலும் உக்ரைனின் பாதுகாப்பில் உதவுவதற்கான புதிய நிதி கோரிக்கையின் ஒரு பகுதியாக, ரஷிய தன்னலக்குழுக்களின் சொத்துக்களை கைப்பற்றி உக்ரைனுக்கு உதவுமாறு, ஜோ பைடன் அமெரிக்க நாடாளுமன்றத்திடம் அனுமதி கோர வேண்டியுள்ளார்.

இதையடுத்து ரஷிய அரசாங்கம் மற்றும் அதன் மூலம் லாபம் ஈட்டுபவர்களுக்கு எதிராக அமெரிக்க பொருளாதாரத் தடைகளை வலுப்படுத்த வேண்டும் எனவும் ஒரு நபர் ரஷிய அரசாங்கத்திடம் உறவு வைத்திருப்பதை கிரிமினல் குற்றமாக ஆக்க வேண்டும் என்றும் கேட்டுக்கொண்டு  உள்ளார். இவ்வாறு  அதில் தெரிவிக்கப்பட்டுள்ளது.