லோகேஷ் கனகராஜ் இயக்கத்தில் வெளிவந்து நல்ல வரவேற்பை பெற்ற “கைதி” படம் ரஷ்ய மொழியில் டப்பிங் செய்யப்பட்டு நேற்று வெளியாகியிருக்கிறது .
கடந்த 2019 ஆம் வருடம் நடிகர் கார்த்தி நடிப்பில் இயக்குனர் லோகேஷ் கனகராஜ் இயக்கத்தில் பரபரப்பு சண்டை காட்சிகள் மற்றும் அப்பா -மகள் சென்டிமென்ட் கதையுடன் வெளியாகி ரசிகர்களிடம் நல்ல வரவேற்பை பெற்ற திரைப்படம் “கைதி” ஆகும்.
இத்திரைப்படத்தை ட்ரீம்வாரியர்ஸ் பிக்சர்ஸ் சார்பாக எஸ்.ஆர்.பிரபு தயாரித்து இருந்தார். இந்தநிலையில் “கைதி” திரைப்படம் ரஷ்ய மொழியில் டப்பிங் செய்யப்பட்டு நேற்று வெளியாகியுள்ளது. இப்படம் ரஷ்ய நாட்டின் 121 நகரங்களில் சுமார் 297 திரை அரங்குகளில் வெளியாகி இருக்கிறது.
