ரஷ்யாவில் நேற்று ஒரே நாளில் மட்டும் 5,061 பேருக்கு கொரோனா தொற்று உறுதி செய்யப்பட்டுள்ளது.
உலகம் முழுவதும் பரவிக் கொண்டிருக்கும் கொரோனாவால் தற்போது வரை 2,14,94,959 பேர் பாதிப்படைந்துள்ளனர். கொரோனாவிற்கு பலியானவர்களின் எண்ணிக்கை 7,66,165 ஆக இருக்கின்றது. உலகையே அச்சுறுத்திக் கொண்டிருக்கும் கொரோனாவின் தாக்கம் ரஷ்யாவில் மிக அதிகமாக இருக்கின்றது. இந்த நிலையில் அந்நாட்டில் கடந்த 24 மணி நேரத்தில் மட்டும் 5,061 பேருக்கு கொரோனா உறுதி செய்யப்பட்டுள்ளது. அதன் மூலம் ரஷ்யாவில் கொரோனாவால் பாதிக்கப்பட்டவர்களின் எண்ணிக்கை 9,17,884 ஆக உயர்ந்துள்ளது.
தற்போது கொரோனாவிற்கு 119 பேர் பலியாகியுள்ள நிலையில், உயிரிழந்தவர்களின் மொத்த எண்ணிக்கை 15,617 ஆக அதிகரித்துள்ளது. கொரோனா தொற்றில் இருந்து ஒரே நாளில் 6,447 பேர் குணமடைந்துள்ளனர். அதனால் குணமடைந்தவர்களின் மொத்த எண்ணிக்கை 7,29,411 ஆக இருக்கின்றது. மேலும் 1,72,856 பேர் மருத்துவமனையில் சிகிச்சை பெற்று வருகின்றனர். கொரோனாவால் அதிகம் பாதிக்கப்பட்ட நாடுகளின் பட்டியலில் ரஷ்யா நான்காவது இடத்தில் இருக்கின்றது.