ராகவேந்திரா மண்டபத்திற்கான சொத்து வரியை மாநகராட்சிக்கு நடிகர் ரஜினிகாந்த் இன்று செலுத்தியுள்ளார்.
ராகவேந்திரா சொத்து வரி நோட்டீசை விரைவில் ரத்து செய்ய வேண்டும் என்று கோரி ரஜினிகாந்த் மனு ஒன்று தாக்கல் செய்திருந்தார். அந்த மனுவை வாபஸ் பெற வேண்டும் என்று கூறி சென்னை உயர்நீதிமன்றம் கண்டனம் தெரிவித்துள்ளது. இதுபற்றி ரஜினிகாந்த் டிவிட்டரில் வெளியிட்டுள்ள பதிவில், “நான் மாநகராட்சியில் மேல்முறையீடு செய்து இருக்க வேண்டும். அனுபவமே பாடம்”என்று அவர் கூறியுள்ளார்.
இந்த நிலையில் ராகவேந்திரா மண்டபத்திற்கான சொத்து வரி ரூ.6.5 லட்சத்தை மாநகராட்சிக்கு நடிகர் ரஜினிகாந்த் எழுதியுள்ளார். நீதிமன்றத்தில் சொத்து வரி தொடர்பாக தொடரப்பட்ட வழக்கு வாபஸ் பெற்றுள்ள நிலையில் நடிகர் ரஜினிகாந்த் தற்போது வரி செலுத்தி இருக்கிறார். அதுமட்டுமன்றி சென்னை மாநகராட்சிக்கு சொத்துவரி செலுத்தி இன்றுடன் கெடு முடிவடைகின்றன லையில் ராகவேந்திரா மண்டபத்திற்கு ரஜினிகாந்த் வரி செலுத்தியுள்ளார்.