ராஜமௌலி இயக்கத்தில் உருவாகிவரும் ஆர் ஆர் ஆர் படத்தை 2 ஓடிடி நிறுவனங்கள் கைப்பற்றியுள்ளதாக தகவல் வெளியாகியுள்ளது .
பாகுபலி என்ற பிரமாண்ட படத்தை இயக்கி பிரபலமடைந்த ராஜமௌலி தற்போது ஆர் ஆர் ஆர் (இரத்தம் ரணம் ரௌத்திரம்) படத்தை இயக்கி வருகிறார். இந்த படத்தில் தெலுங்கு நடிகர்கள் ராம்சரண் தேஜா, ஜூனியர் என்.டி.ஆர் இருவரும் கதாநாயகர்களாக நடிக்கின்றனர். மேலும் இந்த படத்தில் ஆலியா பட், அஜய் தேவ்கன், சமுத்திரகனி உள்ளிட்ட பலர் முக்கிய கதாபாத்திரத்தில் நடிக்கின்றனர்.
டிவிவி தானய்யா தயாரிக்கும் இந்த படம் தமிழ், ஹிந்தி, தெலுங்கு, மலையாளம், கன்னடம் ஆகிய 5 மொழிகளில் வெளியாகவுள்ளது. விறுவிறுப்பாக நடைபெற்று வந்த இந்த படத்தின் இறுதிகட்ட படப்பிடிப்பு கொரோனா ஊரடங்கு காரணமாக நிறுத்தி வைக்கப்பட்டுள்ளது. இந்நிலையில் ஆர் ஆர் ஆர் படத்தை 2 ஓடிடி நிறுவனங்கள் கைப்பற்றியுள்ளதாக அறிவிப்பு வெளியாகியுள்ளது. அதன்படி இந்த படத்தின் ஹிந்தி உரிமையை நெட்ப்ளிக்ஸ் நிறுவனமும் தமிழ், தெலுங்கு, மலையாளம், கன்னடம் ஆகியவற்றை ஜீ 5 நிறுவனமும் கைப்பற்றியுள்ளது.