ஆர்.ஆர்.ஆர் படத்தில் இடம் பெற்ற நாட்டுக்கூத்து பாடல் வெளியாகியுள்ளது.
பாகுபலி படத்தை இயக்கி பிரபலமடைந்த ராஜமௌலி தற்போது ஆர்.ஆர்.ஆர் படத்தை இயக்கியுள்ளார். இந்த பிரம்மாண்ட படத்தில் பிரபல தெலுங்கு நடிகர்கள் ராம் சரண், ஜூனியர் என்டிஆர் இருவரும் கதாநாயகர்களாக நடித்துள்ளனர். மேலும் ஆலியா பட், அஜய் தேவ்கன், ஸ்ரேயா சரண், சமுத்திரகனி உள்ளிட்ட பலர் முக்கிய கதாபாத்திரங்களில் நடித்துள்ளனர். டிடிவி என்டர்டெயின்மென்ட் நிறுவனம் தயாரித்துள்ள இந்த படத்திற்கு எம்.எம்.கீரவாணி இசையமைத்துள்ளார்.
மேலும் அடுத்த ஆண்டு ஜனவரி 7-ஆம் தேதி இந்த படம் பல்வேறு மொழிகளில் ரிலீஸாக உள்ளது. ஏற்கனவே இந்த படத்திலிருந்து நட்பு என்ற பாடல் வெளியாகி ரசிகர்களை வெகுவாக கவர்ந்தது. இந்நிலையில் ஆர்.ஆர்.ஆர் படத்தில் இடம்பெற்ற ‘நாட்டுக்கூத்து’ பாடலை படக்குழு வெளியிட்டுள்ளது. தற்போது இந்த அதிரடியான பாடல் இணையத்தில் வைரலாகி வருகிறது.