‘ராட்சசன் 2’ திரைப்படம் எப்போது தொடங்கும் என்பது குறித்த தகவல் வெளியாகியுள்ளது.
தமிழ் திரையுலகில் பிரபல இயக்குனர் ராம்குமார் இயக்கத்தில கடந்த 2018 ஆம் ஆண்டு வெளியான திரைப்படம் ராட்சசன். விஷ்ணு விஷால், அமலாபால் நடிப்பில் வெளியான இந்தப் படம் ரசிகர்களிடையே நல்ல வரவேற்பை பெற்றதோடு வசூலையும் வாரிக் குவித்தது . இதைத் தொடர்ந்து இந்த படத்தின் இரண்டாம் பாகம் குறித்த தகவல்கள் வெளியாகியிருந்தது. இந்நிலையில் நடிகர் விஷ்ணு விஷால் சமீபத்தில் அளித்த பேட்டி ஒன்றில் ராட்சசன் 2 படம் குறித்து தெரிவித்துள்ளார்.
அதில் அவர் ‘இயக்குனர் ராம்குமார் நடிகர் தனுஷ் நடிக்கும் படத்திற்கான ஆரம்பகட்ட பணிகளில் இருக்கிறார். தனுஷ் படம் முடிந்ததும் ராட்சசன் 2 படத்தின் பணிகளை ராம்குமார் தொடங்குவார்’ என கூறியுள்ளார். மேலும் அவர் வருகிற 2022-ஆம் ஆண்டு ராட்சசன் 2 படம் தொடங்க வாய்ப்பு இருப்பதாகவும் தெரிவித்துள்ளார்.