குறுகிய கால ஒப்பந்தத்தின்படி இந்திய ராணுவத்தில் வீரர்களுக்கு வாய்ப்பு வழங்க, ராணுவ வீரர்களின் பற்றாக்குறையை நிவர்த்தி செய்வதற்காக 2020ல் அறிமுகப்படுத்தப்பட்ட ஆள்சேர்ப்பு மாதிரியை அமல்படுத்த திட்டமிடப்பட்டுள்ளது. அதிகரிக்கும் பாதுகாப்பு ஓய்வூதியக் கட்டணங்களைக் குறைப்பதும் இதன் நோக்கம் ஆகும். கொரோனா பரவியதிலிருந்து கடந்த 2 வருடங்களாக ராணுவத்தில் புதிதாக ஆட்சேர்ப்பு செய்யப்படவில்லை. ராணுவத்தில் ஆள்சேர்ப்பை மீண்டும் தொடங்கக்கோரி ஜந்தர் மந்தரில் ஊழியர்கள் கடந்த செவ்வாய்க்கிழமை போராட்டத்தில் ஈடுபட்டனர். டூர் ஆஃப் டூட்டி (ToD) எனப்படும் ஒரு குறிப்பிட்ட ஆட்சேர்ப்பு மாதிரியை செயல்படுத்துவதற்கான பணிகள் அதன் இறுதி கட்டத்தில் உள்ளதாக அரசாங்கத்தின் உயர்மட்ட வட்டாரங்கள் தெரிவித்தது.
சென்ற 2 வாரங்களில் இது குறித்து அதிகாரிகள் மட்டத்தில் பல்வேறு பேச்சுவார்த்தைகள் நடந்துள்ளது. புதிய மாடலுக்கு ஆதரவாக ஒரு முடிவு வெளிவர வாய்ப்பு இருக்கிறது. அந்த அறிக்கையின் அடிப்படையில் இந்திய ராணுவத்திலுள்ள அனைத்து வீரர்களும் இனிமேல் டூர் ஆஃப் டூட்டி மாதிரியில் பணியமர்த்தப்படுவார்கள் என திட்டத்தின் இப்போதைய வரைவு கூறுகிறது. இவற்றில் 25 சதவீதம் பேர் 3 ஆண்டுகளும், 25% பேர் 5 ஆண்டுகளும் பணியாற்றுவார்கள். மீதம் உள்ள 50 சதவீதம் பேர் ஓய்வு பெறும் வயதை அடையும் வரை முழுநேர இராணுவத்தில் இருப்பார்கள். இவ்வாறு தான் ராணுவ வீரர்கள் தேர்வு நடைபெற உள்ளதாக கூறப்படுகிறது. ராணுவத்தின் மூத்த அதிகாரி ஒருவர் கூறியபோது, இந்த மாதிரியை அமல்படுத்தினால் கட்டுப்படியாகாத பாதுகாப்பு ஓய்வூதியக் கட்டணங்கள் கணிசமாகக் குறையும்.
3 அல்லது 5 வருடங்களுக்கு பின் ஓய்வுபெறும் ராணுவ வீரர்களில் 50 சதவீதம் பேர் தேசிய ஓய்வூதியத் திட்டத்தில் சேர்க்கப்பட வேண்டும் என வரைவில் கூறப்பட்டுள்ளது. மேலும் கூடுதலாக அவர்கள் ஒரு குறிப்பிட்ட காலத்திற்கு ஆயுதப்படைகளின் வீரர்களுக்குப் பொருந்தக்கூடிய சில மருத்துவச் சலுகைகளை செலுத்த வேண்டும். இந்த குறிப்பிட்ட ஆட்சேர்ப்பு மாதிரி அதிகாரிகளுக்கு பொருந்தாது என்றும் வீரர்கள் மட்டுமே பணியமர்த்தப்படுவார்கள் என்றும் வட்டாரங்கள் தெரிவித்தது. சென்ற வருடம் டிசம்பர் மாதம் நாடாளுமன்றத்தில் வெளியிடப்பட்ட புள்ளிவிவரங்களின் அடிப்படையில் இந்திய ராணுவத்தில் இப்போது 7,476 அதிகாரிகள் பற்றாக்குறை இருக்கிறது. பாதுகாப்பு அமைச்சகத்தின் அனுமதியுடன் மட்டுமே இந்த திட்டம் செயல்படுத்தப்படும். ஆகவே அதற்கு இன்னும் நேரம் எடுக்கும்.
ஆள்சேர்ப்பு பேரணிகள் நிறுத்தப்பட்டதிலிருந்து கடந்த 2 வருடங்களில் 1.1 லட்சம் ராணுவ வீரர்கள் பற்றாக்குறை ஏற்பட்டு உள்ளது. மாதந்தோறும் 5,000 வீரர்கள் சேர்க்கப்படுகிறார்கள். இந்திய ராணுவம் தற்போது உள்ள உள்கட்டமைப்புடன் ஒரே சமயத்தில் 40,000 புதிய பணியாளர்களுக்கு பயிற்சியளிக்க முடியும். ஒவ்வொரு வருடமும் சுமார் 60,000 வீரர்கள் ஓய்வு பெறுகின்றனர். பொதுப்பணியில் உள்ள வீரர்களுக்கு பயிற்சி காலம் 34 வாரங்கள், வர்த்தகர்களுக்கு இது 19 வாரங்கள் ஆகும். விரைவில் ஆட்சேர்ப்பு மீண்டும் தொடங்கினாலும் தற்போது உள்ள வெற்றிடங்களை நிரப்புவதற்கு 6-7 வருடங்கள் ஆகும் என தெரிவிக்கப்பட்டுள்ளது. பயிற்சிக்காலம் அனைவருக்கும் 19 வாரங்களாக இருந்தாலும், காலிபணியிடங்களை நிரப்ப 19 வாரங்கள் ஆகலாம். 3 மற்றும் 5 வருடங்களுக்கு பின் ஓய்வு பெறுபவர்களும் இந்த காலியிடங்களை அதிகரிக்கிறார்கள். டூர் ஆஃப் டூட்டி திட்டம் செயல்படுத்தப்பட்டால் தற்போது உள்ள வசதிகளை மேம்படுத்த 3 வருடங்கள் ஆகும் என்று தகவல்கள் தெரிவிக்கின்றன.