மத்திய உணவுத்துறை மந்திரி ராம்விலாஸ் பஸ்வான் மறைவிற்கு தெலுங்கானா கவர்னர் தனது ஆழ்ந்த இரங்கலை கூறியுள்ளார்.
டெல்லியில் உள்ள மருத்துவமனையில் இதய அறுவை சிகிச்சை செய்து கொண்ட மத்திய உணவுத் துறை மந்திரி ராம்விலாஸ் பஸ்வான் நேற்று சிகிச்சை பலனின்றி உயிரிழந்தார். அவரின் மறைவுக்கு ஜனாதிபதி, பிரதமர் மற்றும் பல்வேறு தலைவர்களும் தங்கள் இரங்கல் செய்தியை தெரிவித்துக் கொண்டிருக்கின்றன. இந்நிலையில் மத்திய உணவுத் துறை மந்திரி ராம்விலாஸ் பஸ்வான் மறைவுக்கு தெலுங்கானா கவர்னர் தமிழிசை சவுந்தர்ராஜன் தனது ஆழ்ந்த இரங்கலை கூறியுள்ளார்.
இதுபற்றி அவர் வெளியிட்டுள்ள பதிவில், “மத்திய அமைச்சர் ராம்விலாஸ் பஸ்வான் ஒடுக்கப்பட்ட மக்களின் குரலாக ஒலித்தவர். அவர் உயிரிழந்ததை அறிந்து நான் மன வேதனை அடைந்தேன். அவரின் பிரிவால் வாடும் அவரின் குடும்பத்தினருக்கு எனது ஆழ்ந்த இரங்கலை தெரிவித்துக் கொள்கிறேன். அன்னாரின் ஆன்மா சாந்தியடைய எல்லாம் வல்ல இறைவனை நான் பிரார்த்தனை செய்கிறேன்”என்று அவர் கூறியுள்ளார்.