ரிலீஸாகும் ஜகமே தந்திரம்… முடிவுக்குக் கொண்டு வந்த இயக்குனர் கார்த்திக்…!!

ஜகமே தந்திரம் திரைப்படம்  ஓடிடியில் ரிலீஸாவதாக வந்த வதந்திகளை இயக்குனர் கார்த்திக் முடிவுக்குக் கொண்டு வந்துள்ளார்.

உலகையே அச்சுறுத்தி வரும் கொரோனா பாதிப்பின் காரணமாக திரையரங்குகள் 100 நாட்களுக்கும் மேலாக மூடப்பட்டுள்ளது. இதனால் திரைக்கு வர தயாராக இருந்த புதிய படங்கள் தியேட்டர் அதிபர்களின் எதிர்ப்பை மீறி இணையதளத்தில் நேரடியாக ரிலீஸ் ஆகி வருகிறது. சமீபத்தில் ஜோதிகாவின் “பொன்மகள் வந்தாள்” மற்றும் கீர்த்தி சுரேஷின் “பென்குயின்” படங்கள் ஓடிடி தளத்தில் வெளியானது. இதேபோன்று அடுத்தடுத்து பல படங்கள் டிஜிட்டல் தளத்தில் வெளியாக தயாராக உள்ளன.

அந்த வரிசையில் தனுஷ் நடித்த “ஜகமே தந்திரம்” படத்தை டிஜிட்டலில் வெளியிட முயற்சிகள் நடப்பதாகவும், தயாரிப்பாளருக்கு நடிகர் தனுசுக்கும் லாபம் கிடைக்கும் என்றால்  இணையதளத்தில் தாராளமாக வெளியிடலாம் என்று ஒப்புதல் கொடுத்ததாகவும் செய்திகள் பரவியது. இந்த நிலையில் படத்தை இயக்கிய கார்த்திக் சுப்புராஜ் இதனை மறுத்துள்ளார். ஜகமே தந்திரம் படம் தியேட்டரில்தான் வெளியாகும் என திட்டவட்டமாக கூறி வதந்திகளை முடிவுக்கு கொண்டுவந்துள்ளார். இந்த படத்தில் தனுசுடன் ஐஸ்வர்யா லட்சுமி, ஹாலிவுட் நடிகர் ஜேம்ஸ் காஸ்மோ  ஆகியோர் நடித்துள்ளனர். மேலும் ஒய் நாட் ஸ்டூடியோஸ் நிறுவனம் இந்த படத்தை தயாரித்துள்ளது.