‘ராதே ஷியாம்’ திரைப்படம் பிப்ரவரி மாதம் 11-ஆம் தேதி வெளியாகும் என்று படக்குழுவினர் அதிகாரபூர்வமாக தெரிவித்துள்ளனர்.
ராதா கிருஷ்ணகுமார் இயக்கத்தில் ராதே ஷியாம் என்ற திரைப்படம் திரைக்கு வர இருக்கிறது. இப்படத்தில் பிரபாஸுக்கு ஜோடியாக பூஜா ஹெக்டே நடித்துள்ளார். இந்த படத்தின் இசையமைப்பாளர் ஜஸ்டின் பிரபாகரன் ஆவார். ஹிந்தி, தெலுங்கு, தமிழ், மலையாளம் மற்றும் கன்னடம் ஆகிய மொழிகளில் இத்திரைப்படம் எடுக்கப்பட்டுள்ளது. இப்படம் 350 கோடி ரூபாய் பட்ஜெட்டில் பிரமாண்டமாக உருவாகி இருக்கிறது.
கடந்த ஜனவரி 14-ஆம் தேதி ‘ராதே ஷியாம்’ படம் வெளியாக இருந்த நிலையில் கொரோனா பரவல் காரணமாக தியேட்டர்களில் 50 சதவீத இருக்கைகளுக்கு மட்டும் அனுமதித்ததால் இப்படத்தின் ரிலீஸ் தேதி ஒத்தி வைக்கப்பட்டது. தற்போது இப்படத்திலன் ரிலீஸ் தேதியை படக்குழுவினர் அதிகாரப்பூர்வமாக அறிவித்துள்ளனர். ‘ராதே ஷியாம் திரைப்படம் பிப்ரவரி மாதம் 11-ஆம் தேதி வெளியாகும் என்று படக்குழுவினர் தெரிவித்துள்ளனர். ராதே ஷியாம் படம் சூப்பர் டூப்பர் ஹிட் ஆகும் என ரசிகர்களால் எதிர்பார்க்கப்படுகிறது.