ரூபாய் நோட்டுகளில் நேதாஜியின் படம் இடம்பெறக்கூடிய வழக்கை மத்திய அரசு பரிசீலிக்க உயர் நீதிமன்ற மதுரை கிளை உத்தரவிட்டுள்ளது.
ரூபாய் நோட்டுகளில் நேதாஜி சுபாஷ் சந்திரபோஸ் படம் இடம்பெற கோரிய வழக்கில் மத்திய அரசு பரிசீலிக்க உயர் நீதிமன்ற மதுரை கிளை உத்தரவிட்டுள்ளது. மதுரையை சேர்ந்த ரமேஷ் தாக்கல் செய்த மனுவில், பிரிட்டிஷ் அரசை எதிர்த்து போரிட இந்திய தேசிய ராணுவத்தை நேதாஜி உருவாக்கினார். விமான விபத்தில் நேதாஜி இறந்துவிட்டார் என நம்பப்பட்டாலும், அவரது உடல் ஒருபோதும் மீட்கப்படவில்லை. அவர் காணாமல் போனது பற்றி பல்வேறு கருத்துக்கள் நிலவி வருகின்றன.
சுதந்திரத்திற்கு பாடுபட்ட அவருக்கு உரிய மரியாதை அழிப்பதற்கு மத்திய அரசு தவறிவிட்டது. அவரின் தியாகத்தைப் பற்றி தற்போதைய இளைஞர்கள் மற்றும் மாணவர்களுக்கு எந்த ஒரு விழிப்புணர்வும் இல்லை. அதனால் நேதாஜி சுபாஷ் சந்திரபோஸின் படத்தை ரூபாய் நோட்டுகளில் இடம்பெற செய்ய கோரி மத்திய அரசுக்கு மனு அனுப்பினேன். நடவடிக்கை எடுக்க உத்தரவிட வேண்டும் என்று அவர் குறிப்பிட்டுள்ளார்.