வடநிமிலி முதலை பண்ணையில் பார்வையாளருகளுக்காக காட்சிப்படுத்தப்பட்டு வந்த 15 லட்சம் ரூபாய் மதிப்புள்ள அரியவகை வெளிநாட்டு நட்சத்திர ஆமைகள் காணாமல் போனது குறித்து போலீசார் விசாரணை நடத்தி வருகின்றனர்.
செங்கல்பட்டு மாவட்டம் மாமல்லபுரம் அடுத்து கொள்ளக்கேடுகரை சாலையில் உள்ள வடநிமிலி முதலை பண்ணையில் பார்வையாளர்கள் கண்டு களிப்பதற்காக 3 ஆயிரத்திற்கும் மேற்பட்ட முதலைகள் பராமரிக்கப்பட்டு வருகின்றன. பண்ணையில் அல்ட்ராப்ரா என்ற அரியவகை 4 வெளிநாட்டு ஆமைகள் பராமரிக்கப்பட்டு வந்தன. இந்த ஆமைகள் 225 கிலோ எடை வரை வளரும். மேலும் 152 ஆண்டுகள் வரை வாழும் தன்மை உடையது.
4 ஆமைகளில் பெரிய ஆமை ஒன்று கடந்த சில நாட்களுக்கு முன்பு திருடுபோனது. இதுபற்றி மாமல்லபுரம் போலீசில் முதலை படை நிர்வாகத்தினர் புகார் செய்தனர். புகாரின் பேரில் மாமல்லபுரம் உதவி போலீஸ் சூப்பிரண்டு சுந்தரவதனம் மேற்பார்வையில் தனிப்படை அமைக்கப்பட்டு அந்த முதலை பண்ணையில் பணிபுரியும் ஊழியர்கள் யாராவது இந்த ஆமையை திருடி சென்றனாரா ? அல்லது வெளி நபர்கள் யாராவது இரவு நேரத்தில் முதலை பண்ணைக்குள் அத்துமீறி நுழைந்து ஆமையை திருடினாரா ? என்ற கோணத்தில் விசாரித்து வருகின்றனர்.