தமிழகத்தில் அம்மா உணவகம் நஷ்டத்தில் இயங்கி வருவதாக கணக்கு நிலைக்குழு தலைவர் தனசேகரன் சென்னை மாநகராட்சி மாதாந்திர மாமன்ற கூட்டத்தில் அறிக்கை தாக்கல் செய்தார். அதில் தமிழ்நாடு முழுவதும் 700 அம்மா உணவகங்கள் இயங்கி வருகிறது. அதன் ஆண்டு வருவாய் படிப்படியாக குறைந்துள்ளது. சென்னையில் அம்மா உணவகம் 786 கோடி அளவிற்கு நஷ்டத்தில் இயங்குகிறது. தினந்தோறும் ரூபாய் 500க்குள் வருமானம் வரும் அம்மா உணவகங்களை உடனடியாக மூட வேண்டும் என்று கூறியுள்ளார்.
மேலும் அம்மா உணவகத்தால் மாநகராட்சிக்கு வருவாய் இழப்பு ஏற்படுவதாகவும் கூறினார். இந்த பிறகு பேசிய மேயர் பிரியா ராஜன், இதில் குறிப்பிடப்பட்டுள்ள சில அம்மா உணவகங்களில் ஆய்வு செய்த பிறகு நடவடிக்கை எடுப்பது குறித்து ஆலோசித்து முடிவு எடுக்கப்படும். அதுவரையிலும் அம்மா உணவகங்கள் அனைத்தும் தொடர்ந்து செயல்படும் என்று கூறினார். இதையடுத்து, நஷ்டக் கணக்கு காட்டி அம்மா உணவகத்தை மூட திமுக அரசு முயற்சிப்பதாக அதிமுக, அமமுக கட்சிகள் குற்றம்சாட்டியுள்ளது.