நாடு முழுவதும் ரேஷன் கடைகள் மூலமாக ஏழை எளிய மக்களுக்கு அரிசி, பருப்பு, சீனி, கோதுமை உள்ளிட்ட பொருட்கள் குறைந்த விலையில் வழங்கப்பட்டு வருகிறது. இந்நிலையில் அந்தியோதயா அன்னயோஜனா திட்ட பயனாளிகளுக்கு ஒரு குடும்பத்துக்கு மாதம் ஒரு கிலோ சர்க்கரை இலவசமாக வழங்கப்படும் என்று ஒன்றிய அரசு தெரிவித்துள்ளது.
இதுகுறித்த உணவு மற்றும் பொது விநியோகத் துறை வெளியிட்டுள்ள அறிக்கையில், அந்தியோதயா அன்னயோஜனா திட்ட பயனாளிகளுக்கு ஒரு குடும்பத்துக்கு மாதம் ஒரு கிலோ சர்க்கரை இலவசமாக வழங்கப்படுகிறது. இதற்காக மாநில அரசுகளுக்கு கிலோவுக்கு 18.50 ரூபாய் மானியம் வழங்கப்படும் என்று தெரிவித்துள்ளது. இதற்கு இதுவரை 23 மாநிலங்கள் பங்கேற்க ஒப்புதல் அளித்துள்ளன என்று தெரிவித்துள்ளது.