“ரோகித்தின் கேப்டன்ஸீக்கு இவ்வளவு தான் மார்க்…!!” காரணம் இதோ…!!

இந்தியா மேற்கிந்திய தீவுகளுக்கு இடையிலான மூன்று போட்டிகள் கொண்ட ஒருநாள் தொடரின் முதல் போட்டி நேற்று நடைபெற்றது. இதில் இந்தியா 178/4 ரன்கள் எடுத்து, 6 விக்கெட்கள் வித்தியாசத்தில் மேற்கிந்திய அணியை வீழ்த்தி வெற்றி பெற்றது. டாஸ் வென்ற இந்திய அணி பந்துவீச்சை தேர்வு செய்தது. பேட் செய்த மேற்கிந்திய தீவுகள் அணி படு மோசமாக விளையாடி ரன்களை குறித்த தவறியது. இரண்டாவதாக களமிறங்கிய இந்திய அணி சிறப்பாக பேட்டிங் செய்தது.

சிறப்பாக விளையாடிய ரோகித் சர்மா 56 பந்துகளில் 60 ரன் எடுத்தார். இதுகுறித்து முன்னாள் கேப்டன் சுனில் கவாஸ்கர் செய்தித்தாள் ஒன்றுக்கு பேட்டி அளித்துள்ளார். அதில் அவர் கூறியுள்ளதாவது, “பந்து வீச்சாளர்களை சிறப்பாக ரொட்டேட் செய்தார். பீல்டர்களையும் சரியான இடத்தில் நிறுத்தினார். சுருக்கமான சொன்னால், அனைத்திலுமே சிறப்பாகத்தான் செயல்பட்டார். இதனால் இவருக்கு 10-க்கு 9.99 மதிப்பெண் கொடுக்க விரும்புகிறேன்” எனத் தெரிவித்தார்.