மாணவி ஒருவர் நடந்து சென்றுகொண்டிருக்கும் போது வழிமறித்து தவறாக நடக்க சென்ற நபர்களிடமிருந்து நபர் ஒருவர் காப்பாற்றியுள்ளார்.
லண்டனைச் சேர்ந்த 15 வயது மாணவி ஒருவர் பள்ளிக்கூடம் முடிந்து வீடு திரும்பிக் கொண்டிருந்துள்ளார். அப்போது அந்த வழியில், சாலையோரத்தில் 3 வாலிபர்கள் புகை பிடித்து கொண்டு இருந்துள்ளனர். அவர்கள் மூவரும் மாணவி அருகில் வந்து அவரை பிடித்து இழுத்து உடையை கழட்ட முயன்றுள்ளனர். அப்போது எதிர்பாராத வகையில் அங்கிருந்து ஒரு நபர் வந்துள்ளார்.
அவரைப் பார்த்ததும் அந்த வாலிபர்கள் மூன்று பேரும் தப்பித்து ஓடியுள்ளனர். இதையடுத்து மாணவியை அந்த நபர் பாதுகாப்பாக அழைத்து சென்று பேருந்தில் ஏற்றி அனுப்பி வைத்துள்ளார். மேலும் இந்த சம்பவம் தொடர்பாக காவல் நிலையத்தில் புகார் கொடுக்கப்பட்டுள்ளது.
இதுகுறித்து காவல்துறையினர் கூறுகையில், “மாணவிக்கு உதவிய அந்த நபரிடம் இந்த சம்பவம் தொடர்பாக விசாரித்தால் குற்றச்செயலில் ஈடுபட்டவர்கள் குறித்து நிறைய தகவல்கள் கிடைக்கும். மேலும் மாணவியிடம் தவறாக நடந்து கொண்டவர்கள் கருப்பினத்தை சேர்ந்தவர்களாவர். இதில் மாணவியை நல்லவேளையாக ஒரு நபர் வந்து அவர்களிடமிருந்து காப்பாற்றியுள்ளார். இச்சம்பவம் தொடர்பாக யாருக்கும் தகவல்கள் தெரிந்தால் எங்களிடம் தெரிவிக்கலாம்” என்று கூறியுள்ளனர்.