ஜெயம்ரவி நடிப்பில் கடந்த 2019ம் வருடம் வெளியாகிய கோமாளி திரைப்படத்தின் வாயிலாக இயக்குனராக அறிமுகமானவர் பிரதீப் ரங்கநாதன். இவர் தன் முதல் படத்தின் வாயிலாக அனைவரின் கவனத்தையும் ஈர்த்தார். அதாவது ஜெயம் ரவியுடன் இணைந்து யோகி பாபு, காஜல் அகர்வால், கே.எஸ்.ரவிகுமார் உட்பட பலர் நடித்திருந்த இப்படம் மாபெரும் வசூல் சாதனை படைத்து நல்ல வரவேற்பை பெற்றது. இதையடுத்து பிரதீப் ரங்கநாதன் இயக்கும் அடுத்த திரைப்படத்தை ஏஜிஎஸ் என்டர்டெயின்மென்ட் நிறுவனம் தயாரிக்கிறது.
அவரே இயக்கி நடிக்கும் இந்த படத்தில் சத்யராஜ், ராதிகா, யோகிபாபு, ரவீனா மற்றும் ஆதித்யா கதிர் உட்பட பலர் நடித்துள்ளனர். இத்திரைப்படத்திற்கு யுவன் ஷங்கர் ராஜா இசையமைக்கிறார். இந்த படத்தின் டைட்டில் மற்றும் பர்ஸ்ட் லுக் போஸ்டரை படக்குழு அண்மையில் வெளியிட்டது. விஜய் நடிப்பில் வெளியான லவ் டுடே திரைப்படத்தின் டைட்டிலை இப்படத்திற்கு சூட்டி இருக்கின்றனர். அதன்பின் இப்படத்தின் முதல் பாடல் இன்று மாலை வெளியாகும் என படக்குழு முன்பே அறிவித்திருந்தது. இந்த நிலையில் இத்திரைப்படத்தின் முதல் பாடல் “சாசிட்டாலே” வெளியாகி இருக்கிறது. யுவன் ஷங்கர்ராஜா குரலில் காதல் பாடலாக உருவாகியுள்ள இந்த வீடியோ சமூகவலைதளத்தில் வைரலாகி வருகிறது.