சட்டவிரோதமாக 1,500 கிலோ ரேஷன் அரிசியை லாரியில் கடத்தி வந்த 3 பேரை காவல்துறையினர் கைது செய்துள்ளனர்.
சிவகங்கை மாவட்டத்தில் உள்ள மதுரை- ராமேஸ்வரம் நான்கு வழி சாலையில் கீழப்பசலை காவல்துறையினர் தீவிர வாகன சோதனையில் ஈடுபட்டுள்ளனர். அப்போது அவ்வழியாக வந்த லாரியை காவல்துறையினர் நிறுத்தி சோதனை செய்துள்ளனர். அந்த சோதனையில் 1,500 கிலோ ரேஷன் அரிசி மற்றும் 10 மூட்டை கோதுமையை கடத்தி சென்றது தெரியவந்துள்ளது.
இதனையடுத்து லாரியில் வந்த மணிமாறன், பாலசண்முகம், அரிகிருஷ்ணன் ஆகிய 3 பேரை காவல்துறையினர் கைது செய்துள்ளனர்.மேலும் இதுகுறித்து வழக்குபதிவு செய்த காவல்துறையினர் 1,500 கிலோ ரேஷன் அரிசி மற்றும் 10 மூட்டை கோதுமையை பறிமுதல் செய்து நுகர்பொருள் வாணிபக் கழகத்திற்கு அனுப்பி வைத்துள்ளனர். இதுகுறித்து காவல்துறையினர் தீவிர விசாரணை மேற்கொண்டு வருகின்றனர்.