கர்நாடக மாநிலம் கொபல் மாவட்டம் கூகனூர் தாலுகா பின்யல் கிராமத்தில் வசித்து வந்தவர் தேவப்பா கூப்பட் (வயது 62). இவர் தன் உறவினரின் பேத்தியின் பிறந்தநாள் விழாவில் பங்கேற்பதற்காக கொபல் நகருக்கு நேற்றிரவு காரில் சென்றுள்ளார். அப்போது காரில் தேவப்பாவுடன் அவரது உறவினர்கள் 9 பேர் சென்று உள்ளனர். இந்த நிலையில் பிறந்தநாள் விழா கொண்டாட்டத்தை நிறைவு செய்து விட்டு நேற்று இரவு காரில் 8 பேர் வீடு திரும்பிக் கொண்டிருந்தனர். இரவு 11 மணியளவில் பஹன்பூர் பகுதியில் சென்றுகொண்டிருந்த போது எதிர்பாராத விதமாக சாலையின் எதிரேவந்த லாரி மீது கார் வேகமாக மோதிவிட்டது.
இந்த விபத்தில் காரில் பயணித்த 4 பெண்கள் உட்பட 5 பேர் சம்பவ இடத்திலேயே உடல் நசுங்கி பரிதாபமாக உயிரிழந்தனர். அத்துடன் 4 பேர் படுகாயமடைந்தனர். இதுகுறித்து தகவலறிந்து சம்பவ இடத்திற்கு விரைந்து சென்ற காவல்துறையினர் பலத்த காயமடைந்தவர்களை மீட்டு அருகிலுள்ள மருத்துவமனையில் அனுமதித்தனர். அதனை தொடர்ந்து காவல்துறையினர் உயிரிழந்தவர்களின் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்தனர். இவ்விபத்து குறித்து காவல்துறையினர் வழக்குப்பதிவு செய்து விசாரணை மேற்கொண்டு வருகின்றனர்.