மின்சாரத் துறையில் இலவச மின்சாரம் வழங்குவது குறித்த சரியான பயனாளிகளின் பெயர்களை கண்டறியும் அடிப்படையில், மின் இணைப்புடன் ஆதார் எண்ணை இணைக்க அறிவுறுத்தப்பட்டு இருக்கிறது. இதற்குரிய தெளிவான விளக்கமும் மின்சாரத் துறை சார்பாக கொடுக்கப்பட்டு உள்ளது. அதேபோன்று கூட்டுறவுத் துறையும் வங்கிக்கணக்குடன் ஆதார் எண்ணை இணைக்குமாறு பொதுமக்களை அறிவுறுத்தி இருக்கிறது.
அதன்படி, முன்பே வங்கிக்கணக்கு வைத்திருக்கும் குடும்ப அட்டைதாரர்களை சம்பந்தப்பட்ட கடைப் பணியாளர்கள் நேரில் சந்தித்து வங்கிக் கணக்குடன் ஆதார் எண்ணை இணைத்தால் மட்டும் போதுமானது என அறிவுறுத்த வேண்டும் என தெரிவிக்கப்பட்டு உள்ளது. இந்த அறிவிப்பை அனைத்து மண்டல பதிவாளர்களுக்கும் கூட்டுறவுத் துறை பதிவாளர் சுற்றறிக்கையாக அனுப்பி இருக்கிறார்.