தமிழில் எந்திரன், சண்டக்கோழி, சாமி, விஸ்வரூபம், வேலையில்லா பட்டதாரி, மாரி ஆகிய படங்களின் 2-ம் பாகங்கள் வந்துள்ளது. மேலும் சிங்கம், அரண்மனை படங்களின் 3ஆம் பாகங்களும் வெளியாகி இருக்கிறது. இப்போது இந்தியன் 2ஆம் பாகம் தயாராகி வருகிறது. வெற்றிமாறன் இயக்கத்தில் தனுஷ் நடித்து கடந்த 2018ல் வெளியாகிய வட சென்னை 2ம் பாகம் உருவாக உள்ளதாக கூறப்பட்டது. எனினும் படப்பிடிப்பை தொடங்கவில்லை. இதன் காரணமாக வட சென்னை 2ம் பாகம் உருவாகுமா (அல்லது) கைவிடப்படுமா என்ற கேள்விகள் எழுந்தது.
இந்த நிலையில் இயக்குனர் வெற்றிமாறன் தன் இயக்கத்தில் தற்போது விடுதலை, வாடிவாசல் ஆகிய படங்களின் படப்பிடிப்புகள் நடந்து வருவதாகவும், இப்படங்களை முடித்த பின் வடசென்னை 2-ம் பாகத்துக்கான படப்பிடிப்பு துவங்கும் எனவும் தெரிவித்துள்ளார். இது தனுஷ் ரசிகர்களை உற்சாகப்படுத்தி இருக்கிறது. தற்போது தனுஷ் திருச்சிற்றம்பலம், நானே வருவேன் போன்ற படங்களில் நடித்து முடித்துள்ளார். மேலும் தமிழ், தெலுங்கில் தயாராகும் வாத்தி திரைப்படத்தில் நடித்து வருகிறார் என்பது குறிப்பிடத்தக்கது.