தமிழ் சினிமாவில் பிரபலமான நடிகராக பலம் வரும் சூர்யா நேருக்கு நேர் என்ற திரைப்படத்தின் மூலம் சினிமாவில் அறிமுகமானார். இவர் பாலா இயக்கத்தில் நடித்த நந்தா என்ற திரைப்படத்தின் மூலம் ரசிகர்கள் மத்தியில் மிகவும் பிரபலமானார். இதனையடுத்து பாலா இயக்கத்தில் விக்ரமுடன் இணைந்து நடிகர் சூர்யா பிதாமகன் என்ற திரைப்படத்தில் நடித்திருப்பார். இந்த படமும் சூப்பர் ஹிட் ஆனது. இந்நிலையில் தற்போது தமிழ் சினிமாவின் உச்ச நட்சத்திரமாக ஜொலிக்கும் நடிகர் சூர்யா வாடிவாசல் மற்றும் வணங்கான் போன்ற திரைப்படங்களில் நடித்து வருகிறார். இதில் வணங்கான் திரைப்படத்தை பாலா இயக்குகிறார்.
இந்த படத்தின் முதல் கட்ட படப்பிடிப்பு விறுவிறுப்பாக நடைபெற்று வந்த நிலையில், திடீரென படப்பிடிப்பு நிறுத்தப்பட்டதால் பாலாவுக்கு நடிகர் சூர்யாவுக்கும் இடையே பிரச்சனை என வதந்திகள் பரவியது. இந்த வதந்திக்கு சூரியா தரப்பினர் முற்றுப்புள்ளி வைத்துள்ள நிலையில், தற்போது வணங்கான் திரைப்படம் ஓடிடியில் வெளியாகும் என தகவல் பரவியது ரசிகர்கள் மத்தியில் மிகுந்த அதிர்ச்சியை ஏற்படுத்தியது. ஆனால் விநியோகஸ்தர் ஒருவர் சூர்யா படம் திரையரங்கில் தான் ரிலீஸ் ஆகும் என கூறி வதந்திகளுக்கு முற்றுப்புள்ளி வைத்துள்ளார். இதனால் சூர்யா ரசிகர்கள் மகிழ்ச்சி அடைந்துள்ளனர்.